“Nuk jeni nga ata që spikasni” Bledi Koka ia thotë në sy, por ja si i përgjigjet Agron Shehaj

Mbrëmjen e djeshme gazetari Bledian Koka i tha ish-deputetit Agron Shehaj, njëkohësisht dhe kandidat për kryetar i PD, se nuk ka arritur të spikasë me fjalime të gjata në Kuvend.

Mirëpo Shehaj ka pretenduar të kundërtën, duke u shprehur se nuk duhej konsideruar sasia, por cilësia e denoncimeve të tij.

PJESE NGA BISEDA:

Bledian Koka: Nuk jeni nga ata që spikasni për fjalime të mbajtura në Kuvend. Ka një analizë. Rezultoni që nuk jeni fjalëshumë.

Çim Peka: Në fjalimin e parë ka spikatur. Nëse mbani mend ndonjë fjalim të Palokës ma thoni. Apo të Mond Spahos.

Bledian Koka: Ata do i pyes kur të kandidojnë.

Çim Peka: Po të Bashës mbani mend?

Bledian Koka: Po patjetër është ai kur thoshte po më gënjeve njëherë është faji im, herën e dytë është po i imi.

Agron Shehaj: Mos shikoni sasinë por cilësinë. Denoncimet më të mëdha janë ato që kam bërë unë.