LIGJET E BIZNESIT
Dy javë pas zgjedhjeve të 25 prillit, Lëvizja Socialiste për Integrim duket se nuk do të dorëzohet përballë humbjes, duke mos e pranuar rezultatin.
Të njëjtën gjë ka deklaruar dhe ish-deputetja e kësaj partie, Kejdi Mehmetaj.
Kjo e fundit është shprehur se LSI ka marrë nga KQZ të gjitha pamjet e numërimit të votave, duke paralajmëruar kështu një skandal të rradhës ku sipas saj Partia Socialiste do të dalë zbuluar.
“Sidomos në dy qarqe, në Berat dhe Durrës, mandati i LSI-së lëviz me fare pak vota. Nga pamjet filmike, këto vota të LSI-së janë në kuti, por janë të tjetërsuara apo që nuk janë përkthyer në procesverbal. Po ashtu, kemi gjetur vota të pavlefshme të PS-së që janë numëruar si të vlefshme. Këto kohë jemi marrë me këtë proces”, tha Mehmetaj.
“Do të doja shumë që institucionet e reja të drejtësisë të nisin të japin shenja që në këtë vend mund të formohet shtet dhe të ketë institucione të pavarura. Nëse SPAK nuk jep as shenjën më të vogël nëse ka nisur hetimet për ndonjë prej denoncimeve që kemi bërë, çfarë mesazhi do t’u japim të rinjve që po ikin?”, shtoi Mehmetaj për A2.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
