Nënë e 3 fëmijëve, qëllohet me plu mb në kokë, 27-vjeçarja në gjendje të rëndë 

Një aktiviste britanike e lëvizjes së njohur “Black Lives Matter” ndodhet në gjendje kritike në një spital në jug të Londrës. Ajo u qëllua me plumb në kokë.

27-vjeçarja Sasha Johnson mori dëmtime të rënda mëngjesin e një dite më parë.

Në një deklaratë të sajën në faqen zyrtare, partia “Taking The Iniciativa”, një grup i ri politik në të cilin ajo bënte pjesë, u shpreh se Sasha gjithmonë ka luftuar për njerëzit me ngjyrë dhe për padrejtësitë e komunitetit të tyre.

“Me trishtim të madh që ju informojmë se vetë Sasha Johnson ka pësuar një plagë me armë zjarri në kokë. Sasha gjithmonë ka qenë duke luftuar në mënyrë aktive për njerëzit me ngjyrë dhe padrejtësitë që rrethojnë komunitetin e tyre. Sasha është gjithashtu një nënë e tre fëmijëve dhe një zë i fortë, i fuqishëm për njerëzit dhe komunitetin tonë. Le të bashkohemi të gjithë dhe të lutemi për Sasha-n, të lutemi për shërimin e saj dhe t’i tregojmë mbështetjen tonë familjes dhe të dashurve të saj”, thuhet në deklaratën e partisë.