Ndërron jetë William Shakespeare, i dyti në botë që mori vaksinën kundër virusit

Ka ndërruar jetë William Shakespeare, person i dytë në botë që mori vaksinën kundër koronavirusit në moshën 81-vjeçare.

Ai vdiq nga një sëmundje që nuk ka të bëjë me koronavirusin.

Sipas BBC, Shekspiri e mori vaksinën në Spitalin Universitar Coventry, më 8 dhjetor të vitit 2020.

Fotoja e tij u shfaq në të gjitha mediat në fillim të dhjetorit, kur pas Margaret Keenan (91), e para në radhë në botë mori vaksinën “Pfizer”.