“Mos të ndahen në kategori” Rama ia thotë në sy ministrit Roth: Qytetarët e Ballkanit të udhëtojnë lirshëm në Europë

Kryeministri Edi Rama i ka kërkuar sot gjatë konferencës ministrit gjerman për Evropën Michael Roth, që Bashkimi Europian mos ti ndajë qytetarët e Ballkanit përsa i përket atyre që kanë bërë lloje të ndryshme vaksinash.

Deklaratat u bënë pas vizitës së zyrtarit të lartë gjerman në Tiranë.

“Pamundësia e qytetarëve të Ballkanit për të udhëtuar normalisht në Evropë për shkak të ndarjes së tyre në dy kategori, kategoria e atyre që kanë bërë vaksinë perëndimor dhe kategoria e atyre që kanë bërë vaksinë lindore. Uroj që të mos ndodhë këtu dhe kërkoj ta përçoni këtë mesazh. Nuk ka pse të ndahen njerëzit në kategori”- tha Rama.