“Moment që do mbahet mend” Befason Skënder Brataj, zbulon pacientin më special që ka vizituar

Drejtori i Urgjencës Kombëtare Skënder Brataj ka folur së fundmi për eksperiencën e tij kur punonte si mjek në Itali.

Ndër të tjera, ai ka rrëfyer se pacienti më special që ka vizituar ishte këngëtari i famshëm Bono Vox, solist i bandës U2.

“Aty vinin zjarrfikësit me zorrat me ujë që të spërkasnin fansat, mirëpo ishte dhe vapë, dhe pati një moment që Bono nuk u ndje mirë, dhe unë isha mjeku që shërbimi më kishte dërguar t’u bëja asistencën, prandaj pati një gjendje nga lodhja dhe vapa, dhe prandaj e ndihmova. Ishte eksperiencë e këndshme, dhe kuptohet që janë momente të jetës që mbahen mend,” tha Brataj.

“Ju keni ndihmuar U2 e dinë njerëzit këtë apo jo? A është pacienti më special?,” pyeti moderatorja Sidorela Gjoni.

“Po sigurisht, ka pasur shumë raste të tjera në Itali, por ky ishte më speciali. Kam pasur dhe një episod me Little Tony-n. Se kishte goxha të famshëm, por që nuk i njihnim të gjithë mirë. Ekipet e urgjencës duhet të ishin të pranishëm gjithmonë në koncerte atje në Itali. Ne merrnim pjesë me kënaqësi. Plus dhe ata njerëz ishin, dhe na respektonin se e dinin që ne ishim për ta,” tha Brataj në programin “Jashtë Loje”.