“Mjekët nuk e dinë ç’do ndodhë me mua”/ 23 vjeçares i injektojnë 6 doza vaksine Pfizer

Një vajze 23 vjeçare në Itali i janë injektuar 6 doza të vaksinës së kompanisë Pfizer.

“Kam frikë dhe më dhemb krahu. Mjekët nuk e dinë se çfarë pasojash do të kem. Nuk do të bëj denoncime penale, por mund të hap padi ndaj spitalit”, shprehet vajza.

Mediat thonë se vajza 23 vjeçare mori vaksinën në spital dhe më pas shkoi në shtëpi, por pas disa orësh u zbulua se asaj i ishte bërë një shishe e tërë vaksine që korrespondon me 6 doza të Pfizer.

Menjëherë mjekët e morën në telefon dhe duke qenë se ishte një rast i pa hasur më parë vendosën që ta shtrojnë në spital për ta mbajtur në kontroll.

Fatmirësisht deri tani, 23-vjeçarja nuk ka shfaqur asnjë simptomë apo alergji.