Me shpejtësi skëterrë, publikohen pamjet e aksidentit që vrau “Xubin e Yzberishtit” (Video)

Publikohet pamjet e aksidentit që i mori jetën një ditë më parë ‘Xubit’ të Yzberishtit.

Ashtu sikurse shikohet në video, Fatmir Avdillari, 45 vjeç, po udhëtonte me shpejtësi tej normave të lejuara, ndërsa përplaset me dy makina.

Avidllari njihej nga policia si person me rekorde kriminale. Ai është dënuar më herët për vrasje, teksa pasi përfundoi dënimin u arrestua sërish për trafik droge në Kombinat, Kashar e Yzberisht në vitin 2017.

Dyshohej se ai ishte kapoja i një grupi që shpërndante drogë në këto zona, teksa gjatë operacionit ”Qelqi” iu kapën 30 kilogramë hashash si dhe një armë pa leje.

Avdillari ishte dënuar për vrasjen e biznesmenit të njohur italian Stefano Rossi teksa ka qenë edhe pjesë e bandës së Yzberishtit në vitet 97′ e 98′.

Vrasja u krye në datën 27 janar të vitit 1998, në momentin kur Rossi kishte tërhequr 30 milionë lireta nga banka dhe u ekzekutua 100 metra larg fabrikës së tij.

Fatmir Avdillari bashkë me të vëllanë Ilirin, dhe persona të tjerë njiheshinsi anëtarë të bandës së Yzberishtit në vitet ’97-’98, të akuzuar për shumë vepra penale, mes të tjerash edhe vrasje.

(VIDEO e publikuar nga JOQ)