LIGJET E BIZNESIT
Procesi i fiskalizimit do të ndihmojë në kontrollin më të madh të qarkullimit të parasë dhe rrjedhimisht, do të mbyllë shtigjet për pastrimit të parave nëpërmjet bizneseve. Është ky mendimi i Maksim Casllit, drejtorit ekzekutiv të Deloitte në Shqipëri dhe Kosovë, dhënë gjatë emisionit A2 Business të gazetares Aurora Sulce, ku u diskutua për raportin e Moneyval, që e linte Shqipërinë në “listën gri” të vendeve nën monitorim intensiv përsa i përket pastrimit të parave.
“Bizneset kryesisht i kryejnë pagesat nëpërmjet bankave. Ndërsa për bizneset që kanë shumë aktivitet në cash, këtu është problemi dhe këtu, mund të ketë aktivitete që dalin jashtë kontrollit. Por me vendosjen e sistemit të fiskalizimit që është punë muajsh, besoj edhe kjo punë mbyllet dhe cdo gjë në kohë reale e kontrolluar nga të gjitha autoritetet dhe kjo do e bëjë gjithmonë e më të vështirë procesin e pastrimit të parave.
Sot nëse dikush ka aktivitet në cash ngelet në dëshirën e atij biznesi ta deklarojë sot ose jo sesa cash ka në arkë. Ndërkohë që më 1 shtator, ti normalisht e ke të deklaruar live në mënyrë reale, direkte sesa transaksione në cash ka pasur gjatë asaj dite. Pra, autoritete e kanë shumë të thejshtë të kontrollojnë sesa cash duhet të ketë në arkë. Kjo bën që të frenohet tendenca e pastrimit të parave nëpërmjet bizneseve dhe do të cojë drejt kontrollit”, ka shpjeguar Caslli.
Raporti i Moneyval, mekanizmit të Këshillit të Evropës për Vlerësimin e Masave Kundër Pastrimit të Parave dhe Financimit të Terrorizmit evidenton se Shqipëria vijon të ketë probleme me mungesën e transparencës në vendimmarrje, si dhe pamundësisë për mbikëqyrje të institucioneve financiare dhe aktivitetit të bizneseve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
