Lëvizje e fortë/ Thoma Gëllçi shkarkohet nga detyra, ja kush do jetë drejtuesi i ri i RTSH

Thoma Gëllçi do të zëvendësohet në detyrë nga Martin Leka, i cili do të mbajë postin e drejtorit të ri të Radio Televizionit Publik Shqiptar.

Ishte Këshilli i ri drejtues i këtij institucioni, i cili që në mbledhjen e parë pas konstituimit, ka liruar nga detyra drejtorin e Përgjithshëm të RTSH Thoma Gëllçi.

Vendimin e ka bërë me dije vetë RTSH, e cila në një kronikë të përgatitur nga departamenti i lajmeve ka informuar se Gëllçit i ka mbaruar mandati i qëndrimit në detyrë.

Për shkarkimin e tij ishin pro anëtarët e pranishëm Leka Bungo, Petrit Ruka, Ardita Reçi, Milena Selimi, Thanas Goga, Engjëll Ndocaj, Dionis Papadhimitri. Ndërkohë kanë votuar kundër  kundër të dy anëtarëve, Ilir Keko, Genc Përmeti

Vendimi i Këshillit Drejtues të RTSH:

1- Drejtori i Përgjithshëm i RTSH Z.Thoma Gëllçi të lirohet nga detyra dhe t’ia dorëzojë detyrën Zv.Drejtorit të Përgjithshëm të RTSH Z.Martin Leka, në zbatim të nenit 105 pika 2 të ligjit 97/2013 “Për mediat audiovizive në RTSH”.

2- Ky vendim hyn në fuqi menjëherë.”