LIGJET e BIZNESIT
Një skanim i cili prodhon imazhe 3D të zemrës do të lejojë mjekët që të diagnostikojnë më lehtë dhe të trajtojnë pacientët me probleme të zemrës pesë herë më shpejt sesa aktualisht.
Dyshohet se më shumë se 35,000 pacientë me sëmundje të zemrës do të përfitojnë nga ky shërbim pothuajse çdo vit.
“HeartFloë” u prezantua muajin e kaluar në Britani dhe pritet që ta zvogëlojë kohën nga një takim i parë me mjekun deri tek operacioni i mundshëm nga 31 javë në vetëm 7.
Pajisja kthen një skanim shumë të zakonshëm të zemrës në një imazh 3D i cili tregon për bllokime apo edhe rrjedhje të kufizuar të gjakut.
Një situatë e tillë lejon mjekët që të diagnostikojnë sëmundjen e zemrës në vetëm 20 minuta.
Pacientëve mund t’ju këshillohet operacion, këshilla mbi mënyrën e të ushqyerit apo që të bëjnë aktivitet fizik, në varësi të shkallës së sëmundjeve që kanë.
Sëmundjet e zemrës si dhe të qarkullimit të gjakut shkaktojnë më shumë se një të katërtën (27 për qind) të të gjitha vdekjeve në Angli, shifër kjo e cila është e barabartë me rreth 133,000 në vit ose 370 raste në një ditë.
