LIGJET E BIZNESIT
Policia në Londër ka arrestuar studentin 27-vjeçar Minesh Patel. Arrestimi i tij u krye pikërisht në vendin ku kishte dashur të takohet me një 14-vjeçare, me të cilën synonte të kryente marrëdhënie seksuale.
I riu ra pre e grupit të “gjahtarëve” të pedofilëve, të cilët i ishin prezantuar si një 14-vjeçare duke e joshur dhe ftuar më pas në një takim.
Në videon e publikuar nga mediat e huaja, shihet i riu pas arrestimit duke u lutur tek zyrtarët policorë që të mundësojnë lirimin e tij teksa vazhdimisht u thotë atyre se është i gatshëm të punoj për ata.
Ai e pranoi fajin në procesin gjyqësor. Për këtë akt, si u dënua me 28 muaj burgim, e grupi i “gjuetarëve” të pedofilëve “rojtarët e veriut” kanë filmuar të gjithë ngjarjen.
Gjykatësi i cështjes Tom Mitchell, ka shpjeguar se si Kyle Bell, anëtare e këtij grupi kishte hapur një profil të rremë ku prezantohej si 14-vjeçare.
I riu i arrestuar e kishte kontaktuar atë dhe gjatë bisedës përdorte një emër të rremë në ueb-faqen “Meet for you”.
Menjëherë pas këtij veprimi i kishte dërguar mesazhe në ëhatsApp, duke i kërkuar fotografi.
Ai i kishte folur për puthje dhe seks, madje i kishte dërguar edhe lokacionin duke i kërkuar që të takohen përballë. Jo vetëm kaq, ngjarja shkon edhe më tej pasi i kishte kërkuar para me qëllim që të mund të udhëtojë deri te ajo me autobus.
