LIGJET E BIZNESIT
Pas vrasjes së 27 vjeçarit Mehmet Qema, gjatë kontrolleve të ushtruara te 5 maji në një banesë të marrë me qira nga Kristjan Peçi janë konstatuar pajisje kompjuterike, 2 grirëse kanabisi dhe municion luftarak nga policia. Ndër të tjera në këtë banesë u kostatua lidhje e paligjshme e energjisë elektrike.
Në pranga kanë rënë Kristjan Peçi dhe Evis Zeneli. Ky i fundit sipas policisë duke qenë faturues i energjisë elektrike, dyshohet se ka shpërdoruar detyrën.
“Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasve K. P., 22 vjeç dhe E. Z., 34 vjeç, sepse me datë 14.05.2021, në rrugën “5-Maj”, gjatë kontrollit të ushtruar në banesën e marrë me qera nga K. P., iu gjet dhe iu sekustruan në cilësinë e provës materiale, disa pajisje njësie kompjuterike, dy grirese të lëndëve e dyshuar narkotike e llojit Cannabis Sativa, municion luftarak, si dhe iu kostatua lidhje e paligjshme e energjisë elektrike. Ndërsa shtetasi E. Z., duke qenë faturues i energjisë elektrike, dyshohet se ka shpërdoruar detyrën”, thotë policia.
Pajisjet kompjuterike që janë gjetur dhe sekuestruar janë kryesisht për zhvillimin e lojërave të fatit. Fillimisht ka patur indicie se bëhej fjalë sërish për pajisje për prodhimin e kriptomonedhave, por nuk kanë rezultuar të tilla. Përveç konstatimit të tyre, janë gjetur edhe dy pajisje të tjera që përdoren për grirjen e hashashit.
