Italia triumfon në “Eurovision”/ Maneskin ‘rrëmben’ kupën e fitores, vitin tjetër edicioni në shtetin fqinj

Italia u shpall fituese e edicionit të 65-të të “Eurovision 2021”.

Grupi rock “Maneskin” triumfoi me këngën “Zitti e buoni”.

Katërshja ka arritur të grumbullojë gjithsej 524 pikë, duke dalë kështu të parët në garën ndërkombëtare.

Në vendin e dytë u rendit Franca me 499 pikë, dhe në të tretin Zvicra me 432 e cila përfaqësohej nga këngëtari me origjinë shqiptare Gjon Muharremaj, i njohur me emrin e artit Gjon’s Tears.

Ndërsa Anxhela Peristeri e  cila përfaqësoi Shqipërinë me këngën “Karma”, u rendit në vendin e 21-të me 57 pikë në total.