Ishte në lëvizje/ Përfshihet nga flakët autobuzi i pasagjerëve në Kavajë, policia jep detajet

Pasditen e sotme një autobus është përfshirë nga flakët.

Ngjarja ndodhi në autostradën Kavajë-Lushnje.

Për pasojë mjeti është djegur totalisht por nuk raportohet për të lënduar, vetëm për dëme materiale.

Shkak dyshohet se është një defekt teknik.

Policia bën me dije se forcat zjarrfikëse kanë mbërritur në vendin e ngjarjes dhe po punojnë për sqarimin e plotë të rrethanave.

“Në Kavajë, dyshohet se si pasojë e një difekti teknik ka marrë flak në lëvizje mjeti minibus me drejtues shtetasin L. D., ku ka vetëm dëme materiale.

Sherbimet e zjarrfikses ndodhen në vendngjarje dhe bënë të mundur fikjen e zjarrit. Vijon puna nga Grupi Hetimor për sqarimin e plotë e rrethanave të ngjarjes”, thuhet në njoftimin zyrtar të uniformave blu.