“Ishte djalë shumë i mirë, nuk e prisja këtë që bëri”/ Flet ish e dashura e supermashtruesit turk: Ja pse u ndamë

Faruk Fatih Özer, themeluesi i “Thodex” ende ndodhet në arrati. Ai u arratis me 2 milionë euro nga vendi i tij për t’u fshehur në Shqipëri.

Ndërkohë që hetimet ende vijojnë, mediat në Turqi kanë zbuluar të tjera detaje në lidhje me jetën e tij private. Është mësuar se Özer ishte në një lidhje dashurie me fenomenin e mediave sociale Eslem Sena Nur mirëpo marrëdhënia e tyre kishte përfunduar para pak kohësh.

Sipas ish të dashurës së tij,  romanca kishte përfunduar si pasojë e xhelozisë, ndërsa shtonte se nuk kishte asnjë dijeni lidhur me punën e tij.

“Ai ishte djalë shumë i mirë, nuk e prisja kurrë. S’mi ka përmendur kurrë paratë e kripomonedhave. Ne u ndamë nga xhelozia. Ai më thoshte se lishte një kompani softuerësh jashtë vendit, në Singapor. Vinte nga një familje të pasur,“- u shpreh ajo.

27-vjeçari Ozer është shpallur në kërkim ndërkombëtar nga autoritetet policore turke dhe nga Sekretariati i Përgjithshëm i Interpolit në Lyon. Ai rezulton i dyshuar për mashtrim në shtetin turk nëpërmjet valutës elektronike bitcoin e cila kap vlerën e rreth 2 miliardë dollarëve.

Por nga ana e tij Ozer, mohoi akuzat në një deklaratë në rrjete sociale. Ai u shpreh se kompania ishte në shënjestër të një fushate shpifjesh.

Sipas tij, kompania pezulloi përkohësisht aktivitetin e saj, pasi llogaritë treguan një aktivitet të pazakontë si pasojë e një sulmi kibernetik. Policia shqiptare ka dhënë një shpërblim prej 50 mijë dollarësh, për të gjithë ata persona që japin informacion mbi vendndodhjen e tij.