“Ishin në të njëjtin lokal” Drejtori i Policisë reagon për plagosjen e të riut në Tiranë

Gjatë një prononcimi për mediat, drejtori i Policisë së Tiranës Rebani Jaupaj, shprehur se policia ka nisur hetimet në lidhje me plagosjen e 19-vjeçarit Reginaldo Kaçorri.

Ai u shpreh se kanë një emër të autorit të dyshuar por do të bëhet me dije pas hetimeve.

Reginaldo Kaçorri, po konsumonte kafe me shokët e tij pranë kompleksit Dinamo.

Fillimisht ka pasur një debat me personat në tavolinën ngjitur ndërsa më pas janë konfliktuar fizikisht.

“Këtu pranë kemi pasur një plagosje me armë zjarri të një 19-vjeçari i cili aktualisht ndodhet në spitalin e Traumës. Është jashtë rrezikut për jetën. Grupi hetimor po punon në vendin e ngjarjes. Ka qenë një konflikt i çastit. Të dyja palët kanë qenë në të njëjtin lokal, fillimisht janë konfliktuar fizikisht. Kanë qenë në tavolinë të veçanta. Një person ka qëlluar me armë zjarri vetëm një herë. Kemi një emër të autorit për të cilin do të bëjmë dokumentimin e plotë të kësaj ngjarje dhe do t’jua bëjmë me dije”, tha Jaupi për mediat.