I fejuari dhe familja e tij u ‘ndëshkuan’ nga SHBA/ Zbulohet veprimi i fundit i Armina Mevlanit, ja çfarë ka bërë blogerja

Lajmi më i diskutuar dje në mediat shqiptare pa dyshim ishte ai i shpalljes së ish-kryeministrit Sali Berisha dhe familjes së tij “non-grata” në SHBA.

Vendimi erdhi nga Departamenti Amerikan i Shtetit (DASH).

Ndërkohë një nga pyetjet që u bë më shumë ishte se  çfarë po ndodh me nusen e shtëpisë, të fejuarën e Shkëlzen Berishës, blogeren Armina Mevlani.

Duket se ajo nuk e ka vënë “ujin në zjarr” dhe ka vijuar me postimet e saj sikur të mos kishte ndodhur asgjë.

Armina ka publikuar një selfie, disa video teksa shihet duke reklamuar rroba dhe një tjetër teksa po përpiqet të gjejë një kujdestar për qenin.

Kujtojmë se në listën e DASH nuk janë të përfshirë e fejuara e Shkëlzen Berishës, Armina Mevlani, dhe bashkëshorti i Argita Berishës, Jamarbër Malltezi.