Hapet Kapshtica! Nga sot Greqia lejon punëtorët sezonalë, ja kushti i vetëm

Nga sot deri në fund të muajit maj, do të lejohet hyrja e shqiptarëve në drejtim të Greqisë të personave që mbajnë statusin e punëtorit sezonal.

Stacioni i Policisë Kufitare Kapshticë në një njoftim zyrtar thotë se këta shtetas më parë, do t’i nënshtrohen një testit të shpejtë COVID-19, në Pikën e Kalimit Kufitar Kapshticë.

“Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se duke filluar nga dita e sotme, deri në datën 31.05.2021, nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal”, thuhet në njoftim.