“Gati për Shqipërinë” Rama del që në mëngjes me thirrjen e fortë: Nga nesër do marrin përgjigje të gjithë

Kryeministri Edi Rama ka njoftuar paraditen e sotme deri më tani kanë aplikuar 349 ekselentë që duan të kontribuojnë në mandatin e tretë.

Duke falenderuar të gjithë personat në fjalë, kreu i qeverisë informon se duke nisur nga nesër të gjithë të interesuarit do të marrin njoftimin për ditën dhe orën e komunikimit të drejtpërdrejtë në distancë- online zoom- me Ramën e grupin e punës për këtë nismë.

MESAZHI I RAMES:

349 SHPREHJE INTERESI deri mbrëmë janë një shifër e papritur në një kohë relativisht kaq të shkurtër. Ato ndahen në tre kategori kryesore:

• Kontributorë të gatshëm nga jashtë vendit, në mbështetje të reformave e të programeve të Mandatit të Tretë sipas fushave
• Kontributorë të gatshëm të kthehen nga jashtë, për t’u angazhuar krah qeverisë në Mandatin e Tretë
• Kontributorë të gatshëm brenda vendit, që duan të na bashkohen në përpjekjet e Mandatit të Tretë

Me një FALEMINDERIT të madh, i lajmërojmë të gjithë të interesuarit se duke nisur nga nesër, do të marrin njoftimin për ditën dhe orën e komunikimit të drejtëpërdrejtë në distancë – online zoom – me Kryeministrin e me grupin e punës për këtë nisëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë ftesa mbetet e hapur në vazhdim për këdo tjetër përmes adresës

[email protected]

Me konsideratat më të larta,

Zyra e Koordinimit të nismës “Gati për Shqipërinë”