Festa e ditëlindjes sa nuk u kthye në tragjedi, shembet tarraca (VIDEO)

Një ngjarje e çuditshme ndodhi brenda një shtëpie private në Malibu të Los Angeles. Gjatë një feste është shembur tarraca në të cilën po argëtoheshin të ftuarit, si pasojë disa prej tyre kanë pësuar lëndime trupore dhe dy prej tyre janë në gjendje të rëndë shëndetësore.

Kamerat e sigurisë arritën të filmonin momentin e shembjes së tarracës së mbingarkuar me të ftuar të cilët po shijonin festën.

Dëshmitarët thonë se festa ishte organizuar me rastin e ditëlindjes së pronarit të shtëpisë, i cili kishte ftuar tridhjetë miq për ta ndarë gëzimin me ata.

Festa për pak sa nuk u kthye në tragjedi, në momentin kur pllaka e betonit nga tarraca u shemb dhe të pranishmit që ishin jashtë përfunduan në një pjesë shkëmbore.