Erdhën në Shqipëri për të arrestuar biznesmenin e kriptomonedhave/ Policia turke largohet me duar në xhepa

Përfundon pa asnjë rezultat operacioni i forcave turke të policisë, të cilat erdhën në Shqipëri për të kapur biznesmenin e kriptomonedhave Faruk Fatih Ozer. Ai hyri në Tiranë në datën 20 prill, nga Aeroporti Ndërkombëtar i Rinasit teksa mori me vete 2 miliard dollarë.

Pasi i riu u shfaq në një pikë këmbimi valutor në Tiranë i shoqëruar nga Altjan Canaj, forcat turke të policisë u vunë menjëherë në lëvizje dhe zbarkuan në Tiranë për të kapur biznesmenin. Mirëpo, mesa duket kontrollet kanë rezultuar pa sukses dhe hetuesit turq janë nisur drejt vendit të tyre.

Bosi i kriptomonedhave “Thodex” ka lëvizur në shumë zona të Tiranës që prej datës 20 prilli, ndërsa tashmë duket sikur e ka “përpirë dheu”. Prej rreth 2 javësh nuk ka asnjë gjurmë apo informacion për të. Mediat në Turqi shkruajnë se atij po i ngushtohet rrethi, por në fakt deri më tani nuk ka asnjë rezultat konkret nga operacionet.

Edhe Prokuroria e Tiranës po ashtu, ka regjistruar procedim penal për biznesmenin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern