LIGJET E BIZNESIT
Një ngjarje e rëndë ka ndodhur sot paradite në Lazarat.
Mësohet se një 56 vjeçar ka humbur jetën pasi ka rënë në kontakt me energjinë elektrike.
Ai është identifikuar si shtetasi Artan Pollo.
Viktima ka qenë duke montuar një gjenerator në një depo me ujë që kishte pranë shtëpisë, kur ka rënë në kontakt me korentin me të cilin po punonte. Pollo me pas ka rënë brenda në depo.
Nuk dihet nëse 56 vjeçarit i ka ardhur vdekja nga kontakti me energjinë elektrike apo është mbytur kur ka rënë në depon me ujë.
NJOFTIMI ZYRTAR I POLICISE
Gjirokastër/Informacion paraprak.
Rreth orës 10:20, jemi njoftuar se në fshatin Lazarat, shtetasi A. P., rreth 56 vjeç, banues në Lazarat është gjetur i pajetë, pa shenja dhune.
Ky shtetas është futur në një depozitë të madhe uji dhe nuk ka mundur dot të dal, për pasojë është mbytur.
Grupi hetimor po kryen veprimet e mëtejshme hetimore për sqarimin e rrethanave të ngjarjes.
