E rëndë/ Incident në bazën ushtarake në Pashaliman, plagoset një person

Një incident i rëndë ka ndodhur sot në bazën ushtarake të Pashalimanit.

Mësohet se një  57-vjeçar me banim në Lezhë është lënduar teksa lyente me bojë një anije.

Kujtojmë se kjo bazë është vizituar sot dhe nga ambasadorja amerikane Yuri Kim, e cila u ndal në një deklaratë dhe në qytetin e Vlorës.

Ende nuk dihet nëse incidenti ka ndodhur para apo pas vizitës së saj.

Baza ushtarake e Pashalimanit ka mirëpritur më parë dhe trupa nga vende aleate të NATO-s.

“Sot, rreth orës 12:20, në “Pashaliman”, Orikum, shtetasi P. L., rreth 57 vjeç, banues në Lezhë, duke lyer një anije, dyshohet se është rrëzuar aksidentalisht nga skela dhe për pasojë ka marrë dëmtime trupore, i cili u dërgua në Spital ku ndodhet nën kujdesin intensiv të mjekëve. Grupi hetimor po punon për zbardhjen e rrethanave të ngjarjes.”, njofton policia.