E papritur/ Kandidati i Tom Doshit humb mandatin e deputetit, ja çfarë e penalizoi

Kandidati i dytë i Partisë Social Demokrate në listën e Shkodrës Gledis Çeliku, ka humbur mandatin e deputetit.

Kjo ndodhi pasi ai nuk paraqiti formularin e dekriminalizimit.

KQS vendosi që të shpallë moszgjedhshmërinë e Çelikut si deputet, pas dorëheqjes së kryetarit të PSD, Tom Doshi.

Gledis Çeliku do të zëvendësonte Doshin në Parlament për periudhën vakante maj-shtator, deri në nisjen e legjislaturës së re 2021-2025.

Me gjasë ai do të jetë deputet për katër vitet e ardhshme duke nisur nga shtatori i këtij viti, ndonëse tashmë do të rezultojë se e ka refuzuar ta plotësojë një herë formularin e dekriminalizimit.

Për plotësimin e vendit vakant të lënë nga Doshi, do të vijohet me kandidatët e tjerë në listë.