Çfarë po ndodh në Tiranë? Yuri Kim, Meta dhe Rama bëhen bashkë në sheshin “Nënë Tereza” (VIDEO)

Ditën e sotme “Defender Europe 21” ka zbarkuar në Tiranë, ku do të ketë performancë në ajër dhe në tokë në sheshin “Nënë Tereza”.

Ky eveniment ka bërë bashkë presidentin Ilir Meta, kryeministrin Edi Rama dhe ambasadoren e SHBA në vendin tonë, Yuri Kim.

Në fillim ata do të mbajnë fjalim dhe më pas do të nisë dhe stërvitja e ushtrisë.

“Defender Europe 21” është stërvitja më e madhe ushtarake që është zhvilluar në Ballkanin Perëndimor dhe Shqipëria është vendndodhja kryesore.

Me mijëra trupa nga SHBA, por edhe aleatë të tjerë të NATO-s, disa prej të cilëve janë të përfaqësuar,  po demonstrojnë një rritje të aftësive ushtarake për të bashkëpunuar së bashku si aleatë ushtarakë. Në këtë stërvitje janë angazhuar mbi 28 mijë ushtarë.