Çfarë po ndodh? Ekzekutohet në mes të ditës 40-vjeçari në lokalin shqiptar 

Beqir Kastrati, është vrarë me armë zjarri në Pejë. Mediat kosovare shkruajnë se ngjarja e rëndë u regjistrua rreth orës 15 e 35 minuta, në rrugën “Gjin Gazulli” në Pejë, teksa Kastrati ndodhej në një lokal.

Xhavdet Januzi me profesion mësues është afruar në lokalin ku ishte ulur Kastrati dhe e ka qëlluar me armë zjarri, duke e lënë të vdekur në vend.

Grupi hetimor dhe policia kanë shkuar në vendin e ngjarjes dhe kanë rrethuar zonën.

Mësohet se autori dhe viktima kishin konflikte prej kohësh. Kastrati kishte debatuar edhe më herët me Januzin. Ai e akuzonte atë se i ngacmonte të bijën.

Paraditen e sotme të dy ishin takuar për t’u sqaruar, por siç duket debati u mbyll me bilancin e rëndë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas debatit, Januzi ka shkuar në shtëpi ka marrë armën dhe është kthyer në lokal duke qëlluar Kastratin dhe duke e lënë të vdekur.   Januzi është shpallur në kërkim.