Çfarë ndodhi në Durrës? Rivalë të betuar të Aldo Bares, shoqërohen në polici djali dhe kushëriri i Saimir Taullaut

Ditën e sotme Policia e Durrësit ka shoqëruar për në komisariat djalin dhe kushëririn e Sajmir Taullaut.

Mësohet se Sajmojen dhe Klajdi Taullau akuzohen për trafik lëndësh narkotike.

Ndërkohë ende nuk ka asnjë njoftim zyrtar nga blutë e qytetit bregdetar.

Por kush është Saimir Taullau?

Saimir Taullau është vëllai i Baki Taullaut, i cili njihet nga Policia e Shtetit si një person me precedent të mëparshëm penalë.

Ndaj tij janë bërë dy atentate, një në tetor të vitit 2017 dhe tjetri në nëntor të 2018, ku e qëlluan me armë pranë biznesit së tij në Lushnje dhe për pasojë mbeti i plagosur në kokë.

Në vitin 2015 Sajmir Taullau u arrestua për trafikim të lëndëve narkotike, si dhe ka qenë subjekt i OFL.

Familja Taullau njihet ndryshe si rivale e fortë e Aldo Bares. Në vitin 2005 u vra vëllia i tij, Baki Taullau, ndërkohë Saimiri dëshmoi në gjyq, duke akuzuar si autorë të vrasjes, pjesëtarët e këtij grupi me urdhër të Bares.