Berisha nuk e mendon dy herë: Nuk e lë mandatin, jam ndikues! Rama çoi dosjen time në Amerikë

Ish-Kryeministri Sali Berisha thotë se Kryeministri Edi Rama është ai që ka dërguar dosjet e tij në Amerikë.

Fevziu: Rama nuk pati reagim? Po ti do reagoje?

Berisha: Po pse të reagojë ai. Ai ka çuar dosjen. Padyshim që është Rama që e ka inicuar. Që i merr dosje qeverisë i merr ai.

Ndërkohë i pyetur nëse do të heqë dorë nga mandati i deputetit Berisha iu përgjigj në mënyrë kategorike jo.

Blendi Fevziu: A do të hiqni dorë nga mandati i deputetit?

Sali Berisha: Padiskutim që jo. Kam ndërmend që jo vetëm të mos tërhiqem, por do ta shtojë aktivitetin tim. Ka thënë zotëria që unë kam futur çadrën. Unë jam ndikues në Shqipëri, aq sa jam ndikues dhe në qeveri. Unë ndikimin tim nuk e përdor për para, por për bindjet e mia. Në 2013-ën dhashë dorëheqjen, por jam marrë me denoncime në parlament. A duhen bërë denoncimet, apo s’duhen bërë? Me se jam marrë tjetër? Jam marrë me çështjet kombëtare. Jam marrë me ndikimin patalogjik të Sorosit në Shqipëri.