Bënte jetë luksoze/ Dënohet me 5 vjet burg i riu, kush është Elton Kila, iu sekuestrua jahti dhe "Ferrari"

Gjykata e Rrethit Gjyqësor Elbasan miratoi ditën e sotme kërkesën e Prokurorisë së Elbasanit për deklarimin fajtor të të pandehurit Elton Kila, i cili ishte akuzuar për veprën penale “Pastrimi i produkteve të veprës penale”, parashikuar nga neni 287 i K.Penal.

Elton Kila u dënua me 5 vite burg, pas përfitimit të uljes së dënimit si pasojë e gjykimit të shkurtuar. Atij iu sekuestruan pasuria në emër të tij dhe e familjarëve, ku përfshiheshin edhe shumë mjete luksi si një jaht, një Ferrari si dhe mjete të tjera.

Në datën 11.09.2018 ndaj Kilës, ishte lëshuar edhe një urdhër ndalimi ndërkombëtar nga Prokuroria e Peskarës në Itali.