“Basha nuk e mund dot PS” Befason Ilir Demaliaj: Ja çfarë duhet për të rrëzuar Ramën

Analisti i njohur Ilir Demaliaj u shpreh se kryetari i Partisë Demokratike Lulzim Basha nuk e mund dot në zgjedhje kundërshtarin e tij, kryeministrin Edi Rama.

Ai shtoi se një person i katapultuar në PD si Basha nuk e realizon dot një gjë të tillë.

“PD vuan nga mungesa e garës brenda saj. Një njeri që vjen pa gara, i katapultuar si ai kurrë nuk mund të ketë konsensus. Po ju garantoj unë që Basha do ta çojë këtë parti si LDK e Kosovës, e ky do të jetë si Avdullah, Avullah Mustafa”, tha Demaliaj.

Për të mundur PS-në, ai theksoi se duhet një antipod i Ramës dhe se personat aktual në PD nuk e realizojnë dot atë dhe duhen njerëz të rinj.

“Kam qenë kritik ndaj Berishës që në 96, në flasim për masakrën në zgjedhjet dhe fillon në maj të 1996. Ajo që po vuan PD sot, është ajo që PD-ja nuk ka lejuar demokraci e kjo është kultura e Berishës, e po ta shohësh autoritarizmi i tij është sot edhe jashtë partisë, emra si Ben Imani, Nishani e Kadilli, Topalli kurrë nuk thonë një fjalë  kundër Berishës”, tha Demaliaj për Top Talk.