“Anëtarët marrin urdhra politikë në telefonat e tyre”/ PD reagon pasi KAS rrëzoi kërkesat në Durrës e Shkodër,

Partia Demokratike thotë se KAS  injoroi dosjet voluminoze me prova të manipulimeve zgjedhore në Durrës e Shkodër dhe se marrin urdhra politikë për çdo vendimmarrje.

“Ata marrin urdhra politikë në telefonat e tyre, qoftë nga Kryeministri Edi Rama, drejtuesit politikë, si Taulant Balla, Damian Gjiknuri apo Sekretari i Përgjithshëm i Këshillit të Ministrave.

Në qarkun e Durrësit kishte një skemë kriminale të mirëfilltë e drejtuar nga drejtuesi politik Ardian Çela i cili në bashkëpunim me ish- kryetarin e Bashkisë së Durrësit Vangjush Dako dhe me deputetë të skeduar në lidhje me krimin e organizuar, kam parasysh Yrges Çyrbja, Ilir Ndraxhi, apo Rrahman Rrahja, kishin ngritur struktura të mirëfillta për blerjen e votës”, tha Marash Logu i PD.