A do të marrë pjesë? Komisioni Hetimor mblidhet për ta shkarkuar, zbulohet vendimi i Metës

Ditën e sotme Komisioni Hetimor do të mblidhet sërish në seancën e rradhës për shkarkimin e presidentit Ilir Meta.

Ndërkohë vetë Kreu i Shtetit ka bërë me dije se nuk do të jetë i pranishëm.

Në përgjigjen e tij, Meta thekson mes të tjerash se “Që në krye të herës, vlen të theksohet se, kjo kërkesë, në përmbajtje të saj, nuk referon asnjë dispozitë kushtetuese dhe ligjore për bazueshmërinë e saj”.

Më tej, vijon duke sqaruar se “Presidenti i Republikës e ka përmbushur dhe do të vijojë ta përmbushë detyrimin kushtetues për të qenë transparent në raport me popullin shqiptar, pasi çdo akt, vendimmarrje, dekret etj., i ka bërë publike në faqen e Institucionit të Presidentit të Republikës dhe në mjetet e informimit publik”.