Zgjedhje nën ‘diktatin’ e pandemisë/ Si kurrë më parë Shqipëria voton ndryshe! Numri i qytetarëve që humbin shansin për të zgjedhur kush do i qeverisë

Ora 7 mëngjesit nesër shënon zyrtarisht hapjen e procesit të votimit për të zgjedhur ata që do të na qeverisin për 4 vitet e ardhshme.

Si kurrë më parë këto zgjedhje nuk do të jenë normale, për vetë faktin se njerëzit do të diktohen në proces nga pandemia që prej më shumë se një viti ka mbërthyer vendin tonë dhe botën mbarë.

KQZ ka shpjeguar se si do të votojnë qytetarët duke pasur parasysh masat e vendosura, por nuk është ky problemi. Një numër i madh qytetarësh nuk do munden dot nesër të ushtrojnë të drejtën e votës, dhë këtu flasim për ata që janë të infektuar me covid-19.

Në përditësimin e fundit nga Ministria e Shëndetësisë njoftohet se janë 23,021 raste aktive me Covid, që barazohet me shifrën që nuk do të votojë nesër, ose e përkthyer ndryshe në 2 mandate.

Kreu i KQZ, Ilirjan Celibashi ka deklaruar se çdo qytetar që do të paraqitet në qendrën e votimit nuk do të kthehet pa votuar, pasi nuk kanë mekanizma për të verifikuar nëse janë të infektuar apo jo. Gjithsesi, nëse konstatohen se janë me COVID dhe kanë dalë nga banesa duke thyer karantinën, është policia që merr masat sipas aktit normativ.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Numri total i shqiptarëve me të drejtë vote, përfshirë edhe emigrantët e regjistruar, i kalon 3.5 milionë.