“Zaho nuk erdhi” Rama zbulon arsyen dhe falenderon të shoqen: Je opozita e vetme që s’të mund dot

Në fjalimin e fitores, kryeministri Edi Rama ka falenderuar sot familjen e tij për mbështetjen që i kanë dhënë ditët e fundit që ishin të vështira për të dhe Partinë Socialiste.

Edhe pse nuk pritej, kreu i qeverisë pranoi që opozita e vetme të cilën nuk e mund dot, është bashkëshortja e tij Linda.

Rama nuk harroi të birin Gregorin si dhe Rean, por as Zahon e vogël, për të cilin me shaka tha se nuk erdhi pasi ishte mërzitur me të atin.

“Një falenderim të veçantë për gjysmën time më të mirë, të vetmen opozitë që unë s’e mund dot, po kënaqem kur kam barazi me Linda Ramën. Mamanë e palodhur të Zahos, nënën krenare të Reas dhe shoqen besnike të Gregut. Linda është guri që na mbledh, burimi që na ushqen dhe drita që na energjizon ne të katërtëve.

Grua shumë faleminderit. Faleminderit dhe Reas dhe Gregut që nuk ka shakktoni asnjë dhimbje koke që nuk keni lidhje me fodullëkun dhe me llastimin dhe nuk i keni bezdisur njerëzit me mënyrën tuaj të jetëses si shum fëmijë kryeministrash gjetkë. Jam krenar për ju dhe dua t’ju bëj krenar edhe më shumë.

Tani dua t’ju them dhe diçka, por të mbetet mes nesh. Zaho nuk erdhi se është pak i mërzitur nuk pajtohet dot me faktin se unë i mora të gjitha votat dhe ai nuk mori asnjë votë edhe pse bëri fushatë në Vlorë. Është detyra jonë t’ja mësojmë pse s’duhet të mërzitet me këtë punën e votave.”, tha kryeministri gjatë fjalës së tij.