LIGJET E BIZNESIT
Presidenti i Serbisë, Aleksandar Vuçiç ka folur për zgjedhjet e 25 prillit në Shqipëri.
I ftuar në emisionin “B92”, në rubrikën ‘’Fokues’’, ai theksoi se i ka ndjekur me shumë vëmendje sondazhet në Shqipëri, për të cilat ai thotë se mes palëve ka parë diferencë vetëm 1-3%.
“Unë jam duke ndjekur nga afër hulumtimet e opinionit publik, dhe dallimi është rreth 2 përqind dhe unë nuk përcjell hulumtime pa lidhje jo serioze të hulumtimit publik po ato që janë shumë serioze. Dhe në fakt dallimi është nga 1 në 3 përqind”, ka thënë Vuçiç.
Për presidentin Vuçiç, pas liderit të opozitës, Lulzim Basha qëndron ish-kryeministri Berisha. Sipas tij, ata duan Shqipëri Etnike. Ai shton më tej duke thënë se është krenar që po i pengon.
“Pas Lulzim Bashës qëndron Sali Berisha dhe ju e dini, e gjithë historia pas saj, nga veriu i Shqipërisë, me gjithë barrën e së kaluarës, por kjo është çështje e tyre. Dhe sigurisht që unë jam krenar që jam pengesa e tyre më e madhe sepse ata flasin hapur për krijimin e Shqipërisë së Madhe. Dhe ata flasin hapur për këtë gjë dhe askush nuk reagon.” ka thënë Vuçiq.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Me një gjuhë të ashpër, Vuçiç ka konfirmuar se është kundër bashkimit të Kosovës me Shqipërinë.
“Unë nuk mund të pajtohem me bashkimin e Kosovës dhe Shqipërisë, unë duhet të respektoj integritetin territorial të Bosnje dhe Hercegovinës”, tha Vuçiç.
