Vlen miliona dollarë/ Ja çfarë do të ndodhë me pasurinë e princit Filip që u nda nga jeta

Bashkëshorti i mbretëreshës Elizabeth të Britanisë së Madhe, princi Filip u nda nga jeta mëngjesin e së premtes.

Ai ishte një nga figurat kryesore të familjes mbretërore për gati shtatë dekada dhe mbylli sytë përgjithmonë në moshën 99 vjeçare.

Duka i Edinburgut la pas një familje të madhe me katër fëmijë, tetë nipër e mbesa, tetë stërnipër, si dhe një pasuri të madhe.

Por sa ishte paga e tij?

Paga vjetore e Princit Filip arrinte shumën prej 500,000 dollarësh dhe paguhej nga xhepat e taksapaguesve përmes llogarisë së Grantit Sovran që administron pagat e familjes mbretërore. Nuk dihet nëse Princi e merrte këtë pagë pas vitit 2017, kur dha dorëheqjen nga detyrat e tij mbretërore.

Bashkë me Mbretëreshën Elizabeth posedonin aksione dhe tokë që Mbretëresha ka trashëguar nga familja e saj, si kështjella Balmoral dhe rezidenca e Sandringham.

Por, sa llogaritet pasuria e Princit Filip? Deri ditën që vdiq, pasuria totale e Princit Filip ishte rreth 30 milionë dollarë, sipas prestigjozes, Celebrity Net Worth.

Kush do të trashëgojë pasuritë e Princit Filip?

Ndërkohë shumica e pasurive të paluajtshme të Princit Filip janë në pronësi të përbashkët me Mbretëreshën Elizabeth, thuhet se pasuria do menaxhohet nga Elizabeta. Gjithashtu mund të ndahen midis katër fëmijëve të tij.