“Vishni mbrapsht bluzet”/ Ambasadorja amerikane kërkesë të pazakontë numëruesve të PD

Ambasadorja amerikane në Tiranë, Yuri Kim u ka bërë një kërkesë jo fort të zakontë numëruesve të Partisë Demokratike në qendrën e numërimit të votave në zonën e Vasil Shantos.

Ambasadorja ka kërkuar që ata të ndërrojnë bluzat e tyre mbi të cilat ishte stampuar numri nëntë dhe nëse nuk kishin mundësi t’i veshin mbrapsht ato.

“Nëse nuk keni veshje të tjera me vete, mund të vishni mbrapsht bluzat tuaja” u shpreh ambasadorja amerikane, ndërsa siguroi se do të jetë me ta derisa sa të nisë procesi i numërimit.

E njëjta kërkesë është bërë edhe nga kreu i KQZ, Ilrijan Celibashi.

Një prej komisionerëve tha për mikrofonin e News 24 se “do të ndryshojmë bluzat edhe pushtetin”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern