U aksidentua dje në Lezhë/ 32-vjeçarja humb jetën pas 24 orësh në koma 

Ndërron jetë Elisabeta Gjopalaj, 32-vjeçarja e cila u aksidentua një ditë më parë në dalje të Lezhës, në superstradën Lezhë-Milot. Ajo ishte në gjendje kome prej 24 orësh në spitalin e Traumës në Tiranë.

Si pasojë e aksidentit të rëndë, ajo kishte marrë dëmtime të shumta, çka i sollën asaj edhe vdekjen. Elizabeta Gjopalaj ishte punonjëse e protokollit në bashkinë e Lezhës.

Sipas policisë, aksidenti, ndodhi në afërsi të rrugës së Shëngjinit ku mjeti tip “Range Rover” me drejtues shtetasin me iniciale K.S., është përplasur me mjetin me drejtuese shtetasen Elisabeta Gjopalaj dhe pasagjere D.Gj..

Drejtuesi i mjetit shtetasi me iniciale K.S. është shoqëruar në Komisariatin e Policisë Lezhë, për veprime të mëtejshme. Grupi hetimor punon për sqarimin e plotë të shkakut dhe rrethanave të ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern