Tjetër lëvizje e Emiliano Shullazit/ Merr përforcime nga Amerika, ja kush ‘zbarkon’ sot në gjykatë në mbrojtje të tij (FOTO)

Ai është një nga emrat më të lakuar në drejtësinë shqiptare.

Bëhet fjalë për “të fortin” e Tiranës Emiliano Shullazi, i cili nuk i ndal lëvizjet e papritura.

Mësohet se së fundmi ai ka vendosur të marrë në mbrojtjen e tij dhe një avokate amerikane.

Kështu, përveç avokatit shqiptar Vladimir Meçe, Shullazi tashmë ka dhe Lambrini Nassis.

Kjo e fundit është greko-amerikane që i bashkangjitet kështu trupës së mbrojtjes dhe është e miratuar nga dhoma e avokatisë.

Nassis paraqitet sot për herë të parë.

Kujtojmë se në apelin e posaçëm, procesi ishte i bllokuar qe prej janar 201. Para disa muaj pasi Shullazi u shpall fajtor në shkallën e parë, e apeloi dënimin, por deri më sot nuk është zhvilluar asnjë seancë. Shkak i shtyrjeve kryesisht kanë qenë kërkesat e avokatëve për largim të gjyqtareve nga trupa, apo dhe dorëheqjet e vetë gjyqtarëve.

Aktualisht gjyqtarë në apelin e posaçëm për Shullazin janë të caktuar nga KLGJ Artur Kalaja, Astrit Kalaja dhe Miliana Muca.

Emiliano Shullazi është një personazh i njohur për policinë kriminale në vend, por veçanërisht në kryeqytet dhe në Durrës. Në këto qytete ai ka qenë i dyshuar për aktivitete të ndryshme kriminale.