“Të mos preken…” Skandali me patronazhistët, Gjykata e Strasburgut merr vendimin e menjëhershëm

Pas skandalit me patronazhistët, ku u publikuan të dhënat e mbi 900 mijë qytetarëve para ditës së zgjedhjeve, Gjykata Europiane e të Drejtave të Njeriut në Strasburg ka vendosur që të mos e lejojë sekuestrimin e serverave dhe të dhënave kompjuterike të medias Lapsi.al.

Kështu, mësohet se gjykata ka dhënë urdhër që të mos preket asnjë e dhënë nga institucionet shqiptare deri në momentin kur çështja të gjykohet në themel nga GJEDN. Pas kërkesës së Prokurorisë së Posaçme, e njohur ndryshe si SPAK për sekuestrimin e Lapsi.al, avokati Dorian Matlija me kërkesën e dy botuesëve Andi Bushati dhe Armand Shkullaku, referoi çështjen në Strasburg.

“VENDIMI: Ndalohet që të preken serverat apo çdo pajisje elektronike që i përket Lapsi.al,”-shkruhet ndër të tjera në vendim.