“S’ka burrë nëne që e gërric me gazetarët”/ Debat i ashpër mes Bledi Manes dhe ekspertit në studio…

Artan Rexhepi dhe gazetari Bledi Mane ishin të ftuar në studion e “Shqipëria live” për të analizuar vrasjen e një dite më parë në Elbasan.

Mirëpo,  pjesa e dytë e emisionit nisi me debate të forta midis të dyve, të cilat në fakt vazhdonin që nga momenti i publicitetit. Bledi Mane akuzoi Rexhepin se e ka kërcënuar atë si gazetar. “Jo ti, po s’ka burrë nëne që mund ta gërricë me gazetarët, sidomos në shtëpinë e tyre”.

Rexhepi: Nuk kam asgjë me ty!
Mane: Nuk mund të kesh asgjë me mua ose me kolegët e mi. Do të flasim jashtë!

Ndërkohë, eksperti i kriminalistikës heq mikrofonin dhe çohet nga karrigia. Bledi Mane tha se “dua të kërkoj një falje publike”, por që nuk ndodhi.

Sipas dy moderatorëve të pranishëm në studio, nuk u dëgjua ndonjë kërcënim nga Rexhepi, megjithatë situata mbetet e paqartë. Të ftuarit u larguan menjëherë nga emisioni, i cili transmetohet direkt në Top Channel, ndërkohë që vijoi transmetimi normal i programacionit.