Si do të jetë fleta e votimit? Kolegji Zgjedhor merr vendimin përfundimtar (FOTO)

Pak momente më parë Kolegji Zgjedhor ka marrë vendimin përsa i përket fletës së votimit për zgjedhjet e 25 prillit.

Trupa e përbërë nga Gentian Medja, Alma Kolgjoka, Manjola Xhaxho, Esmeralda Xhili dhe Asim Vokshi është mbledhur në orën 16:00.

Ndërkohë pas tërheqjes ata kanë vendosur që fleta e votimit të jetë vetëm me numra, ashtu siç kërkonte Partia Socialiste.

Nga ana tjetër Partia Demokratike këmbënguli deri në fund që fleta të përmbante dhe emrat e kandidatëve.

Përfaqësuesi i PD-së Ivi Kaso tha se vendosja e kandidatëve me emra kishte rëndësi për identifikimin e tyre. Ndërsa, përfaqësuesi i Partisë Soicaliste, Eridian Salianji tha se fleta e votimit me numra është e duhura pasi ajo me emra ka ngarkesë të madhe dhe ngjan me një gazetë.