Shqipëria heq vizat për shtetasit e këtij vendi gjatë sezonit turistik

Shqipëria ka marrë vendimin për të hequr vizat për shtetasit e Rusisë për sezonin turistik.

Lajmi u bë me dije nga ambasada ruse në Tiranë, e cila njofton se Shqipëria nga data 1 prill deri në 31 dhjetor 2021 do të mirëpresë shtetasit rusë, të cilët mund të qëndrojnë 90 ditë në çdo periudhë 180 ditore.

“Hiqen viza për turistët rusë. Është miratuar Vendimi i Këshillit të Ministrave të Shqipërisë Nr. 214, dt. 25 Mars 2021, për heqjen e vizave për shtetasit e disa vendeve, përfshirë këtu edhe Rusinë, për periudhën 1 prill – 31 dhjetor 2021. Afati i lejuar i qëndrimit në vend është 90 ditë në çdo periudhë 180-ditore, duke filluar nga data e hyrjes”., thuhet në njoftimin e ambasadës ruse.