LIGJET E BIZNESIT
Pas grumbullimeve që janë realizuar gjatë fushatës elektorale, një mesazh i fortë vjen nga mjeku i njohur Tritan Kalo.
Ai thekson se beteja me “armikun e padukshëm” vijon ende dhe se njerëzit duhet të vetëndërgjegjësohen dhe kujdesen, pasi këto janë elementet thelbësore në suksesin përfundimtar kundër luftës me C OVID19.
Sipas Kalos, nënvlerësimi i masave, grumbullimet, mosmbajtja e distancës, hezitimi për t’u vaksinuar, e bejnë imminent rrezikun e rritjes së rasteve të reja me virus.
“T’i japim mundësi vetes si dhe të afërmve tanë, sidomos brezit të tretë e fëmijve tanë që më shumë i vuajtën këto 16 muaj të kufizimeve të imponuara nga Pandemija e Covid-19, të relaksohen dhe përftojnë nga bukuria e mirësia e Pranverës e Verës së këtij vendi të bekuar, të Atdheut tonë të përbashkët, Nënëlokes Shqipëri….”, shkruan mjeku ndër të tjera.
REAGIMI I PLOTE:
Kohë kovidiane…. 28.04.2021…. RIKUJTESË….Beteja me “armikun e padukshëm”, me “flamën mbarëbotërore” atë të Pandemisë së Sars-Cov2/Covid-19 nuk ka përfunduar….Rënia e përkujdesit ndaj vetes dhe atyre që gjallojnë pranë nesh, nënvlerësimi i trinomit mjaft ndihmues për suskesin tonë në këtë betejë: MHD (Maskë, Higjenë dhe Distancim fizik), si dhe hezitimi për t’u vaksinuar për shkak edhe të tollovisë informuese në lidhje me këtë proçes, e bën iminent rrezikun e një RIGJALLËRIMI të rasteve të infeksioneve nga virusi jetëlëndues dhe jetëmarrës i Sars-Cov2/Covid-19….
Eksperienca botërore flet në këtë drejtim dhe Grumbullimet masive gjarë fushatës zgjedhore të 25 Priilit dhe pas saj nga të gjitha forcat politike, duke mos i respektuar rregullat për kufizimin e përhapjes së infeksionit Covid-19, më shtyn të shkruaj këtë postim….Vetndërgjegësimi dhe vetkujdesja mbeten thelbësore në suksesin përfundimtar të betejës kundër Covid-19….
T’i japim mundësi vetes si dhe të afërmve tanë, sidomos brezit të tretë e fëmijve tanë që më shumë i vuajtën këto 16 muaj të kufizimeve të imponuara nga Pandemija e Covid-19, të relaksohen dhe përftojnë nga bukuria e mirësia e Pranverës e Verës së këtij vendi të bekuar, të Atdheut tonë të përbashkët, Nënëlokes Shqipëri….
Në çdo minutë ne jemi aty në krye të detyrës, që të përkujdesemi për shëndetin dhe jetët tuaja…. Together forever!!!
