Rama kërkon falje publikisht: Shkela rregullat në mitingun e fitores

Kryeministri Edi Rama tha publikisht se mitingu i mbajtur në sheshin Skënderbej, ditën e martë, pas fitores së zgjedhjeve të 25 prillit ishte në kundërshtim me rregullat anti-covid.

Rama i cili kërkoi falje publike, tha se menjëherë sapo ka ikur që aty ka komunikuar me organizatorët dhe i ka kërkuar llogari se përse nuk ishin vënë karrige si në çdo miting.

Rama në Opinion: E pranoj që ajo që ndodhi ne në këtë aspekt ishte shkelje e pajustifikueshme për ne dhe për këtë çështje unë kam bërë edhe një komunikim me organizatorët, se nuk e kuptova pse nuk ishte zbatuar e njëjta skemë me karrige dhe distancë, dhe në ato kushte nuk kishte si të ikja se mund ta bëja dhe këtë. Në këtë rast ne kemi bërë gabim dhe është kundër rregullave. Jam habitur, se më pyetën se formati do jetë si herët e tjera, me karrige, por pastaj pashë që nuk ishin vënë karrige, kërkoj ndjesë publike për këtë që ka ndodhur.