Rama e thotë hapur: Në 2013-n hoqëm një pjesë të demokratëve nga puna

Kryeministri Edi Rama ka zbuluar në Euronews Albania se ka pasur demokratë në 2013 që kanë ikur nga puna në administratë jo se kanë votuar kundër por për shkak të paaftësisë në punë.

Edhe nëse nuk votojnë për ju do humbasin vendin e punës?

“Më jep një rast të vetëm. Unë dy njerëz që kanë votuar kundër nesh i ke në punë të gjithë, nuk merret PS me këto. PS është gjë tjetër. S’ka fare nga këto. S’bëjmë ne heqje pune për vota kundër,” tha Rama.

Pra nuk kanë ikur demokratët nga administrata, nga puna?

“Kur në fillim? Në 2013? Atëherë po, kanë ikur. Kanë ikur një pjesë se kanë qenë shëmbëlltura ulëritëse e paaftësisë dhe e poshtërsisë që mund të ketë administrata. Por mësues asnjë nuk ka ikur,” tha Rama.