Prekëse/ Kujdesej për të birin e sëmurë, 23-vjeçarja diplomohet nga spitali

Valeria Carannante, 23-vjeçarja italiane është prova e fuqisë së dashurisë së nënës dhe vullnetit madhështor.

Historia e saj është tejet frymëzuese! Nëna e re e një djali vetëm 1 vjeç e gjysmë, prezantoi diplomën e saj të universitetit nga spitali, duke marrë pikët maksimale, teksa po kujdesej për vogëlushin e saj që vuan nga hipertensioni arterial.

Valeria arriti të diplomohej shkëlqyeshëm në degën  “Shkenca Edukimi”.

Ajo ka pasur mbështetjen e ekipi mjekësor të cilët i ka falënderuar nëpërmjet një postimi në rrjete sociale, për përkujdesen maksimale të treguar ndaj të birit.

“Falënderoj të gjithë ekipin e departamentit të nefrologjisë Santobono, për të gjithë kujdesin që po i japin të voglit tim. I falenderoj që më kanë treguar për gjendjen e tij shëndetësore si dhe për mbështetjen që i kanë dhënë në ditët më të vështira. Falënderoj profesor Pecoraro, një mjek, dhe një njeri të jashtëzakonshëm, për atë që bëri për djalin tim.”, shkruan ajo në postim.

Në lidhje me këtë histori, ka reaguar edhe kryetari i Bashkisë së Bacoli, Josi Della Ragione. Ai u shpreh se e ka lexuar me shumë emocion historinë e Valerias.

Sipas tij kjo është prova e pasionit, dashurisë, këmbënguljes dhe meriton duartrokitje.

Gjendja shëndetësore e vogëlushit është tashme e qëndrueshme.