LIGJET E BIZNESIT
Qytetarët e Kosovës ende pa filluar fundjava kanë vendosur që të nisen drejtë Shqipërisë. Mësohet se vetëm deri në mesditën e së premtes mbi 5600 qytetarë kanë kaluar pikën kufitare në Vermicë.
Temperaturat e larta dhe Festa e 1 Majit, kanë bërë që qytetarët e Kosovës të nisen në bregdetin shqiptar.
Fundjava ka sjell një fluks të madh të qytetarëve në pikën kufitare të Morinës.
Dalja nga pika kufitare në Morinë(Vërmicë) sipas Qendrës për Menaxhimin e Kufirit zgjat 15-20 minuta, teksa kolona të veturave ka në një gjatësi deri në 70 metra.
Raportohet se vetëm deri në mesditën e së premtes mbi 5600 qytetarë kanë kaluar pikën kufitare në drejtim të Shqipërisë.
Ndër të tjera mësohet se përveç qytetarëve që kanë zgjedhur Shqipërinë për pushime, ka dhe shumë të tjerë të cilët vijnë për arsye pune.
Muaji maj, që nis nga dita e nesërme llogarite për punëtorët e institucioneve të shtetit të Kosovës të jetë muaj i sefasë.
Kjo për shkak që gjatë këtij muaji këta punëtorë do të pushojnë katër ditë, për shkak të festave zyrtare, ani pse disa prej tyre kanë rënë në ditë vikendi.
Sipas kalendarit për festat zyrtare në Republikën e Kosovës për vitin 2021, me datë 1 maj e shtunë është Dita Ndërkombëtare e Punës, por që festohet ditën e hënë me 3 maj dhe me datë 2 maj janë Pashkët Ortodokse, por që festohen me 4 maj.
Po, ashtu ditë pushimi do të jetë edhe më 10 maj, për shkak të Ditës së Evropës dhe më 13 maj Dita e Bajramit të Madh.
Këto festa zyrtare janë në pajtim me nenin 2 të Ligjit nr. 03/L-064, për festat zyrtare në Republikën e Kosovës.
Ambasadori i Shqipërisë në Republikën e Kosovës, Qemal Minxhozi ditë më parë ka treguar nuk është nevoja e një testi PCR për shqiptarët që duan të futen në Kosovë.
“Si në drejtim të Kosovës, ashtu edhe në drejtim të Shqipërisë për shtetasit Kosovës nuk do të ketë nevojë për teste apo PCR”, u shpreh ambasadori.
Kujtojmë se në fillim të këtij muaji , 48 mijë e 621 qytetarë të Kosovës kanë vizituar Shqipërinë gjatë të premtes, të shtunës dhe të dielës./Monitor/
