LIGJET E BIZNESIT
Kreu i Komunitetit të Myslimanëve Shqiptarë, Bujar Spahiu ka reaguar ashpër në lidhje me ngjarjen e rëndë të ndodhi këtë të hënë në xhaminë ‘Dine Hoxha’ ku 5 besimtarë myslimanë u plagosën me thikë nga një 34-vjeçar.
Ngjarja u shënua tek “Rruga e Kavajës” rreth orës 14:00. Nëpërmjet një reagimi në rrjetet sociale, Spahiu i bëri thirrje organeve përkatëse që kjo ngjarje të zbardhet sa më shpejt.
REAGIMI I SPAHIUT
U informova nga Myftiu i Tiranës, z. Lauren Luli, dhe nëpërmjet medias, për ngjarjen e fundit në Xhaminë Dine Hoxha. Sipas imamit Kalaja dhe besimtarëve dëshmitarë të pranishëm, një përson i jashtëm ka hyrë nga rruga në xhami duke plagosur me mjet prerës besimtarët dhe personelin e pranishëm në xhami.
Fatmirësisht besimtarët e lënduar janë jashtë rrezikut për jetën.
I lutemi Zotit për shërimin e tyre sa më të shpejtë.
Personi është në duart e forcave të rendit.
Kërkojmë nga organet përkatëse zbardhjen sa më parë të kësaj ngjarje e cila lëndoi besimtarët në këto ditë ramazani.
